ഉറുമ്പു മുഖമുള്ളവര്‍ പണിതുയര്‍ത്തുന്ന
നഗരകവാടത്തിലൂടെയാണ് ഉള്ളില്‍ കടന്നത്‌
നായമുഖങ്ങളുടെ കണ്ണുവെട്ടിച്ചു
പുസ്തകശാല കണ്ടെത്തി
മഞ്ഞത്തുമ്പി മുഖം ധരിച്ചു
പൂമരചിത്രമുള്ള പുസ്തകച്ചട്ടയിലിരുന്നു
മൂങ്ങമുഖമുള്ള സൂക്ഷിപ്പുകാരെ കബളിപ്പിച്ചാണ്
ചരിത്രപുസ്തകങ്ങല്‍ക്കരികിലെത്തിയത്
ചിതല്‍ മുഖം വീണ്ടെടുത്ത്‌ കതകുതുറന്നത്
ചരിത്രം തിരുത്തിയെഴുതനായിരുന്നു
കുതിരചിത്രങ്ങള്‍ക്ക് ചെവിനീട്ടി-
നടുവളച്ചു കഴുതകളാക്കി
പാമ്പുകള്‍ക്ക് ചിറകുകള്‍ വരച്ചു
ഉറുമ്പുകള്‍ക്ക് വാലും മുയലിനു കൊമ്പും
പിന്‍വഴി തെറ്റിപ്പോയവര്‍ ...
മുന്‍വഴി കാണാതെ ഉഴറുന്നതോര്‍ത്ത്‌ ഊറിച്ചിരിച്ചു
ചിതലുകള്‍ നാടു ഭരിച്ചിരുന്നെന്നും
ചരിത്രം തിരിച്ചു വരുമെന്നും തിരുത്തുമ്പോളാണ്
ഇരട്ടവാലെന്റെ വരവ്
ചരിത്രത്തില്‍ പങ്കു വേണമെന്ന്
ഹും ഞാനുണ്ടോ വിടുന്നു
ആദ്യം അടിയായി വഴക്കായി ...
പിന്നെ ഞങ്ങള്‍ സന്ധിയായി ഉടമ്പടിയായി
വടക്കും പടിഞ്ഞാറും അവനു കൊടുത്തു
ദൈവത്തിനെ പങ്കിട്ടെടുത്തു
ഒരു ജനതയെ അവര്‍ അര്‍ഹിക്കുന്നവര്‍
ഭരിക്കുമെന്നു വായിച്ചു ഞങ്ങള്‍
കൈകൊട്ടി ചിരിച്ചു, കെട്ടിപ്പിടിച്ചു ....
നഗരകവാടത്തിലൂടെയാണ് ഉള്ളില്‍ കടന്നത്‌
നായമുഖങ്ങളുടെ കണ്ണുവെട്ടിച്ചു
പുസ്തകശാല കണ്ടെത്തി
മഞ്ഞത്തുമ്പി മുഖം ധരിച്ചു
പൂമരചിത്രമുള്ള പുസ്തകച്ചട്ടയിലിരുന്നു
മൂങ്ങമുഖമുള്ള സൂക്ഷിപ്പുകാരെ കബളിപ്പിച്ചാണ്
ചരിത്രപുസ്തകങ്ങല്‍ക്കരികിലെത്തിയത്
ചിതല്‍ മുഖം വീണ്ടെടുത്ത്‌ കതകുതുറന്നത്
ചരിത്രം തിരുത്തിയെഴുതനായിരുന്നു
കുതിരചിത്രങ്ങള്‍ക്ക് ചെവിനീട്ടി-
നടുവളച്ചു കഴുതകളാക്കി
പാമ്പുകള്‍ക്ക് ചിറകുകള്‍ വരച്ചു
ഉറുമ്പുകള്‍ക്ക് വാലും മുയലിനു കൊമ്പും
പിന്‍വഴി തെറ്റിപ്പോയവര്‍ ...
മുന്‍വഴി കാണാതെ ഉഴറുന്നതോര്‍ത്ത്‌ ഊറിച്ചിരിച്ചു
ചിതലുകള്‍ നാടു ഭരിച്ചിരുന്നെന്നും
ചരിത്രം തിരിച്ചു വരുമെന്നും തിരുത്തുമ്പോളാണ്
ഇരട്ടവാലെന്റെ വരവ്
ചരിത്രത്തില്‍ പങ്കു വേണമെന്ന്
ഹും ഞാനുണ്ടോ വിടുന്നു
ആദ്യം അടിയായി വഴക്കായി ...
പിന്നെ ഞങ്ങള്‍ സന്ധിയായി ഉടമ്പടിയായി
വടക്കും പടിഞ്ഞാറും അവനു കൊടുത്തു
ദൈവത്തിനെ പങ്കിട്ടെടുത്തു
ഒരു ജനതയെ അവര്‍ അര്‍ഹിക്കുന്നവര്‍
ഭരിക്കുമെന്നു വായിച്ചു ഞങ്ങള്‍
കൈകൊട്ടി ചിരിച്ചു, കെട്ടിപ്പിടിച്ചു ....
